Փոխարժեքներ
25 10 2024
|
||
---|---|---|
USD | ⚊ | $ 387.14 |
EUR | ⚊ | € 418.07 |
RUB | ⚊ | ₽ 4 |
GBP | ⚊ | £ 502.2 |
GEL | ⚊ | ₾ 141.94 |
ԱԺ ԲՀԿ խմբակցության պատգամավոր, Երեւանի ավագանու առաջիկա ընտրություններում ԲՀԿ համամասնական ցուցակի երրորդ հորիզոնականը զբաղեցնող Աբրահամ Մանուկյանը Yerkir.am-ի հետ զրույցում վստահեցրեց, որ եթե ԲՀԿ-ն ավագանու ընտրություններում հաղթելու հույս չունենար, չէր մտնի պայքարի մեջ:
«Ոչ միայն հաղթելու հույս ունենք, այլեւ հաղթելու ենք»,- հայտարարեց նա եւ հավելեց, որ այս «ընտրությունները լինելու են այնպիսին, ինչպիսին միշտ են եղել` մրցակցային»:
Մանուկյանը ասաց նաեւ, որ ԲՀԿ-ի համար մրցակից են բոլոր քաղաքական ուժերը, ԲՀԿ-ն պայքարելու է ընտրություններում հայտ ներկայացրած բոլոր կուսակցությունների դեմ:
ԲՀԿ-ական պատգամավորը հայտարարեց նաեւ, որ ԲՀԿ-ի հաղթանակի դեպքում միանշանակ չէ, որ քաղաքապետ կընտրվի ցուցակը գլխավորող Վարդան Օսկանյանը:
Մեր դիտարկմանը, թե ստացվում է` ճիշտ են այն լուրերը, որ ԲՀԿ-ի հաղթանակի դեպքում քաղաքապետ կդառնա ԲՀԿ ցուցակի երկրորդ համարը զբաղեցնող Գուրգեն Արսենյանը, Մանուկյանը պատասխանեց. «Ամեն ինչ հնարավոր է: Դա որոշելու է քաղխորհուրդը: Խորհուրդ եմ տալիս պարոն Ծառուկյանի ելույթը լսեք: Ով էլ նշանակվի, եթե չաշխատի, կազատվի աշխատանքից: Մեր ցուցակի առաջին 10 համարներից բոլորն էլ ի վիճակի են քաղխորհրդի որոշումով դառնալ քաղաքապետ: Ինչպես որ քաղխորհուրդը վերջում կորոշի»: