Իշխանությունների կողմից հետապնդվողը` Ադրբեջանի նախագահի թեկնածու

Ադրբեջանական REAL շարժումն այս տարի կայանալիք նախագահական ընտրություններում կառաջադրի շարժման ղեկավար Իլգար Մամեդովի թեկնածությունը:

APA լրատվական գործակալության հաղորդմամբ` այսօր Մամեդովի ձերբակալության առնչությամբ կուսակցության մամուլի քարտուղար Նաթիգ Ջաֆարլին մամուլի ասուլիս է հրավիրել եւ հայտարարել այս մասին: Ըստ նրա` կուսակցությունն ավելի վաղ էր նման որոշում կայացրել եւ մտադիր էր նրա թեկնածության մասին հայտարարել 4 օր անց, սակայն առաջնորդի ձերբակալությունից հետո որոշել են ամեն ինչ հստակեցնել:

Հիշեցնենք, որ Մամեդովին մեղադրել են հունվարի 24-ին Իսմայիլըի շրջանում անկարգություններ հրահրելու մեջ եւ դատապարտել 2 ամսվա ազատազրկման: