Վրաց նախարարը Սահակաշվիլիի` Չախալյանի վերաբերյալ ասվածը սուտ է համարում

Վրաստանի պատիժների իրականացման  եւ իրավաբանական օգնության նախարար Սոզար Սուբարին Վրաստանի նախագահ Միխեիլ Սահակաշվիլիին մեղադրում է ստախոսության մեջ` կապված Վահագն Չախալյանին ազատ արձակելու հետ:

Սուբարին լրագրողներին հայտնել է, որ Չախալյանն ազատ է արձակվել համաներմամբ, եւ նա պատիժ էր կրում այլ հանցագործությունների համար, ոչ թե` Սահակաշվիլիի հայտարարած. տեղեկացնում է Apsny.ge-ն: 

«Այդ հոդվածներն են` զենքի անօրինական պահում, խուլիգանություն եւ հասարակական կարգի խախտում: Համաներումը տարածվել է այդ բոլոր` երեք հոդվածների վրա»,- ասել է նախարարը` հավելելով, թե հակառակ դեպքում` ինչո՞ւ Չախալյանին չեն դատել այլ հոդվածներով, եթե նա ոստիկանության բաժանմունք, վրացական եկեղեցի է ավերել, ներխուժել է համալսարան եւ հարձակվել է դատարանի վրա: