''Հարսնաքարի գործով'' նոր պաշտպան չի ներգրավվի

Ավան եւ Նոր Նորք վարչական շրջանի ընդհանուր իրավասության դատարանում այսօր տեղի ունեցավ  անցյալ տարվա հունիսին «Հարսնաքար» ռեստորանային համալիրի տարածքում տեղի ունեցած բռնարարքի գործով հերթական դատական նիստը:

Դատարան չէին ներկայացել ինչպես 4 տուժողները, այնպես էլ նրանց 3 ներկայացուցիչներն ու 2 մեղադրողները:

Դավիթ Ադամյանը այս պահի դրությամբ, փաստացի պաշտպան չունի: Նրա պաշտպան Սերգեյ Մկրտչյանը մինչև ամսվա վերջը գտնվում է հերթական արձակուրդում, իսկ նրա հետ մեկտեղ նոր պաշտպան ներգրավելու`  դատարանի դիմումին Հանրային պաշտպանի գրասենյակից դեռևս պատասխան չի ստացվել:

Դատական նիստում ամբաստանյալ Գարիկ Մարգարյանի պաշտպան Մարինե Թովմասյանը կարծիք հայտնեց, որ պրակտիկայում չի եղել, որ ամբաստանյալի շահերը պաշտպանելու համար երկու հանրային պաշտպան հրավիրվի: Դատարանը՝ դատավոր Դավիթ Հարությունյանի նախագահությամբ, ևս գտավ, որ այժմ անիմաստ է նոր պաշտպան հրավիրել՝ մինչև նոր պաշտպանը ծանոթանա գործի նյութերին, պաշտպան Ս.Մկրտչյանը կվերադառնա արձակուրդից: