ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Մի կրակոցով` երկու նապաստակ

«ՉԻ» տեղեկություններով` Սերժ Սարգսյանն առաջիկայում պատրաստվում է տարանջատել ՀՀ փոխվարչապետի ինստիտուտը ՀՀ տարածքային կառավարման նախարարությունից:

Բանն այն է, որ այսպիսով Սերժ Սարգսյանը լուծում է Արմեն Գեւորգյանի խնդիրը. նա շարունակում է մնալ որպես փոխվարչապետ, այսինքն` մեկը կառավարությունում, ով հասկանում է իր գործից եւ տիրապետում է այդ գործին որպես բարձր պրոֆեսիոնալ: Զուգահեռաբար լուծվում է երկրորդ խնդիրը. թաղապետների, մարզապետների, քաղաքապետների եւ գյուղապետների, այսինքն` տարածքային կառավարման մարմինների գործունեությունը նախընտրական այս շրջանում կոորդինացնում է մեկը, ով կարող է նրանց հետ  խոսել այլ դիրքերից եւ այլ մակարդակի շրջանակներում:

Եթե ասենք, որ խոսքն այս պարագայում Երեւանի նախկին քաղաքապետ Գագիկ Բեգլարյանի մասին է, ապա պարզ կլնի, թե ինչ նկատի ունեինք: Գագիկ Բեգլարյանն իր տեսակով չի կարող փոխվարչապետ լինել, բայց տարածքային մարմինների ներկայացուցիչներին նախընտրական փուլում հօգուտ ՀՀԿ-ի աշխատեցնել կարող է: