Մերկելը հանգիստ շունչ է քաշել` եվրոն փրկված է

Գերմանական խորհրդարանն «այո» է ասել Ֆինանսական կայունության եվրոպական հիմնադրամին (EFSF):

«Անգելա Մերկելը հանգիստ շունչ է քաշել: Բունդեսթագը երեկ օրենք է ընդունել, ըստ որի` ընդլայնվում են Ֆինանսական կայունության եվրոպական հիմնադրամի հնարավորություններն ու լիազորությունները: Օրենքի օգտին քվեարկել են 611 պատգամավորից 523-ը, սակայն ամենակարեւորը` 315 պատգամավոր կառավարող կուսակցությունից, այսինքն` 4-ով ավելի, քան պահանջվում էր «կանցլերական» բացարձակ մեծամասնություն ապահովելու համար»,- գրում է իտալական La Stampa թերթը:

Այսպիսով` Գերմանիայի ներդրումը EFSF-ում 123 մլրդ եվրոյից դառնալու է 211 մլրդ եւ ամրապնդվելու է Բունդեսթագի ավելի լայն ներգրավվածությունն այլ պետությունների, մասնավորապես` Հունաստանին օգնություն ցուցաբերելու գործում: