Ասես նոր շունչ է հաղորդել կյանքիս. Ջիգարխանյանը՝ իր երիտասարդ սիրուհու մասին

Հայ հայտնի դերասան Արմեն Ջիխարխանյանն անկեղծացել է Экспресс-газета-ի հետ զրույցում և պատմել  իր երիտասարդ սիրո՝  33-ամյա Վիտալինա Ցիմբալյուկ-Ռոմանովսկայայի հետ հարաբերությունների մասին:

Ռոմանովսկայան, կարծես, նոր շունչ է հաղորդել Ջիգարխանյանի կյանքին: Դերասանը պատմել է, որ նրանք առանձին բնակարան են գնել Մերձմոսկվայում։ 

«Կյանքիս  80 տարիների ընթացքում ես հասկացել եմ, որ ամենաանհավանական բանը երկու մարդկանց հարաբերություններն են։ Ինչպե՞ս է մահացել Արկադի Ռայկինը: Նա շատ կարևւոր դեղահաբ պետք է ընդուներ օրական երկու անգամ։ Մի օր նա մոռացել է խմել դեղերը, իսկ կողքին ոչ ոք չկար՝ այդ մասին հիշեցնելու համար։ Հետևաբար, քո կողքին պետք է մեկը լինի, որ, կոպիտ ասած, սիրի քեզ»,- ասել է դերասանը:

Ջիգարխանյանը խոստովանել է, որ շատ է սիրում Վիտալինային: Ինչո՞վ է նա գրավել իրեն, դժվարանում է պատասխանել:

«Շատ դժվար հարց է։ Այս զգացմունքի մասին շատ է գրվել, խոսվել, բայց ճշմարտությունը դեռ հայտնի չէ։ Եվ փառք Աստծո, քանի որ այդպես  կյանքդ հորինելու հնարավորություն կա։ Իսկ եթե գիտես այդ պատասխանը, ապա դու КВН-ի անդամ ես»,- ասել է նա։

Ուշագրավ է, որ Ջիգարխանյանը մինչ այժմ կապված է նաև իր նախկին կնոջ՝ Տատյանայի հետ, ով ապրում է ԱՄՆ-ում։

«Ես աշխատում եմ նրան նույնպես ապահովել, քանի որ ԱՄՆ-ը մեծ երկիր է, որը շատ բան տալիս, շատ բան էլ պահանջում է»,- նշել է նա:

Հիշեցնենք, որ Ջիգարխանյանի սիրավեպի մասին խոսակցությունները սկսեցին շրջանառվել հոկտեմբերի սկզբին: