Կերպարվեստի համահայկական ցուցահանդեսը

Այսօր ՀՀ նկարիչների միության ցուցասրահում առաջին անգամ բացվեց Կերպարվեստի համահայկական ցուցահանդեսը, որը նվիրված է ՀՀ անկախության 20-ամյա հոբելյանին: Այն կազմակերպվել էր ՀՀ Սփյուռքի նախարարության և Նկարիչների միության հետ համատեղ:

«Այս օրերին տոնական է հագել ոչ միայն Հայոց աշխարհը, այլև հայկական Սփյուռքը, քանի որ միասին տոնում ենք երկու հանրապետոթյունների անկախության տարեդարձը: Եթե մայիսը մեր հաղթանակների ամիսն է, ապա սեպտեմբերը մեր պետականաստեղծման ամիսն է»,- ասաց ՀՀ սփյուռքի նախարար Հրանուշ Հակոբյանը:

Ցուցահանդեսին Սփյուռքից ներկայացված է ավելի քան 51 աշխատանք, հայրենիք են այցելել ավելի քան 21 սփյուռքահայ նկարիչներ: