ՏԵՍԱՆՅՈՒԹ․ Սա ուղղակի դրամահավաք չէ, սա վերածվել է համահայկական գլոբալ շարժման․ «Հայաստան» համահայկական հիմնադրամի տնօրեն

Սա ուղղակի դրամահավաք չէ, սա վերածվել է համահայկական գլոբալ մեծ շարժման. ըստ Yerkir.am-ի` հայտարարեց «Հայաստան» համահայկական հիմնադրամի գործադիր տնօրեն Հայկակ Արշամյանը մամուլի ասուլիսում:

«Չկա աշխարհում հայկական համայնք, որը չի մասնակցում այս ամենին այս կամ այն ձևով: Մենք պետք է ունենանաք ամուր թիկունք, որպեսզի հաջողություններ ունենանք առաջնագծում»,-ասաց նա:

Հայկակ Արշամյանը մի քանի լավ նորություն հայտնեց՝ «Հովնանյան» հիմնադրամը 3 միլիոն դոլար է նվիրաբերել հիմնադրամին, «Ալեք Մանուկյան» հիմնադրամի նախագահ Քրիստին Սիմոնը նույնպես  3 միլիոն դոլար է նվիրաբերել։

Հիմնադրամի տնօրենը շնորհակալություն հայտնեց բոլորին, ովքեր իրենց թեկուզ ամենաչնչին գումարը նվիրաբերում են մեր հայրենիքին, և կոչ արեց շարունակել աջակցել:

Նա կոնկրետ երկրներ չցանկացավ նշել, բայց ասաց, որ աշխարհի բոլոր կողմերից, անգամ` այնպիսի համայնքներ, որոնք երբեք ակտիվ չեն եղել, ներգրավվել են։ Ֆեյսբուքյան ֆլեշմոբեր ևս լինում են։

Մանրամասն՝ տեսանյութում: