Ավելի լուրջ հա՞րց կա

Օրեր առաջ մի խումբ ՀՀՇ-ականներ դիմումներ են ներկայացրել կուսակցությունից դուրս գալու համար:

Լուր էր հրապարակվել, թե ամիսներ առաջ որոշվել է կուսակցականների վերագրանցում կատարել, եւ ովքեր չեն վերագրանցվել, մեխանիկորեն դուրս են մնացել կուսակցության շարքերից:

Սրա վերաբերյալ ՀՀՇ վարչության քարտուղար Վահագն Հայոցյանն ասաց. «Տասը հոգի է դուրս եկել: Նրանք, ովքեր դուրս են եկել, ուղիղ մեկ տարի գրասենյակ չեն մտել: Ինչը մի տարի առաջ էր եղել, այսօր արձանագրվել է»:

Իսկ այն հարցին, թե կուսակցությունից այդ անդամների դուրս գալը կապված չէ՞ նորաստեղծ «Ազատ դեմոկրատներ» կուսակցության հետ, որին, ըստ լուրերի, նախկին ՀՀՇ-ականները անդամակցում են, Վ. Հայոցյանը պատասխանեց. «Մենք իզուր ենք այդպես լրջացնում դա, ավելի լուրջ բաներ են կատարվում: ... Ասեմ նաեւ, որ 300-ից քիչ պակաս դիմումներ էլ ստացել ենք` կուսակցություն ընդունվելու համար»: