Ռուբեն Վարդանյանը բանտարկված է պարզապես Լեռնային Ղարաբաղի ժողովրդի ինքնորոշման իրավունքը պաշտպանելու համար․ Գենսեր

Իմ հաճախորդ Ռուբեն Վարդանյանի գործում՝ նրա ցուցադրական  քաղաքական  դատավարության շրջանակում, որն ընթանում է  Բաքվի  ռազմական դատարանում, տեղի է ունենում սարսափելի, բայց ոչ զարմանալի զարգացում։ Այս մասին գրել է Արցախի նախկին պետնախարար, Բաքվում պահվող Ռուբեն Վարդանյանի փաստաբան Ջարեդ Գենսերը Х-ի իր օգտահաշվում։  

«Եվս մեկ դռնփակ նիստում  պետական մեղադրողները ավարտել են իրենց «գործը» և պահանջել են, որ Ռուբենը դատապարտվի ցմահ ազատազրկման՝ հիմնվելով նրա դեմ ներկայացված տասնյակ կեղծ մեղադրանքների վրա։ 

Սակայն ճշմարտությունն այն է, որ Ռուբենը բանտարկված է մյուս հայ-քրիստոնյա բանտարկյալների հետ միասին՝ պարզապես Լեռնային Ղարաբաղի ժողովրդի ինքնորոշման իրավունքը պաշտպանելու համար»,- գրել է Ջարեդ Գենսերը։