Հայաստան-ՆԱՏՕ հարաբերություններն ավելի լուրջ են, քան Հայաստան-ՀԱՊԿ համագործակցությունը. Թևան Պողոսյան

Այսօր` «Հայաստան-ՆԱՏՕ» գործընկերության հեռանկարները» թեմայով քննարկման ժամանակ, ԱԺ «Ժառանգություն» խմբակցության պատգամավոր Թևան Պողոսյանը կարծիք հայտնեց, որ թեև ՆԱՏՕ-ն մեծ շահեր ունի Ադրբեջանում, սակայն Ադրբեջանը շատ պասիվ է համագործակցում ՆԱՏՕ-ի հետ` համեմատած Հայաստան-ՆԱՏՕ  համագործակցության հետ:

«Ամողջ Հարավային Կովկասի երեք երկրներից Հայաստանը միակն է, որը մասնակցում է ՆԱՏՕ-ի խաղաղապահ ծրագրերին` և\' Կոսովոյում, և\' Աֆղանստանում: Այդ խաղաղապահ առաքելություններին չեն մասանկցում ո\'չ Ադբեջանը, ո\'չ Վրաստանը, ավելին` Հայաստանը ՀԱՊԿ  միակ երկիրն է, որը մասնակցում է ՆԱՏՕ-ի խաղաղապահ ծրագրերին»,- ասաց պատգամավորը:

Նրա խոսքով` այսօր էլ Հայաստան-ՆԱՏՕ հարաբերությունները շատ լուրջ են, քան ՀԱՊԿ-ի հետ համագործակցությունը,  որտեղ համագործակցությունը, ըստ պատգամավորի, ավելի շատ առևտուր է հիշեցնում, քան համագործակցություն:

«Ներկայումս ակտիվ են ՆԱՏՕ-ի համագործակցային ծրագրերը Հայաստանում` թե\' հանրային սեկտորի, թե\' ԱԺ-ի, թե\' ԱԻՆ-ի, թե\' Ազգային անվտանգության հետ»,- ասաց Պողոսյանը` հույս հայտնելով, որ Հայաստանը միշտ կկարողանա պրագմատիկ լինել և օգտվել համագործակցության դրական կողմերից: