Մրցանակը ստացող այդպես էլ չեղավ

Քիչ առաջ մեկնարկեց Խաղաղության Նոբելյան մրցանակի հանձնման արարողությունը, որն անցվկացվում է Նորվեգիայի մայրաքաղաք Օսլոյում՝ մայրաքաղաքի քաղաքապետարանում:

Արարողության սենյակում մրցանակին արժանացած Լիու Շիոբոյի մեծ պատկերն էր կախված: Ինչպես խոստացվել էր Նոբելյան մրցանակի հանձնաժողովի կողմից, մեկ աթոռ դատարկ էր թողնված՝ Չինաստանում բանտարկված Լիուի համար:

Արարողությունը բացեց Նոբելյան ինստիտուտի տնօրեն Գեիր Լունդեստադը: Նա իր ելույթում խոսեց Լիուի կողմից խաղաղության համար արված քայլերի մասին, և նրա՝ «նա ոչ մի սխալ բան չի արել և պետք է ազատ արձակվի» խոսքերի վրա ամբողջ դահլիճը ոտքի կանգնեց և ծափահարեց:

Քանի որ ոչ Լիուն և ոչ էլ նրա մոտ ազգականները չէին կարողացել գալ և ստանալ մրցանակը, Լունդեստադը ոսկե մեդալը և դիպլոմը տեղադրեց Լիուի համար դատարկ պահված աթոռի վրա:

Արարողությունը դեռ շարունակվում է: