Հանրահավաք չեղավ. բավարարվեցին երթով

Քիչ առաջ Երևանի Ազատության հրապարակում մեկնարկեց «Մարտի 1-ի» հավաք-երթը դեպի Ալեքսանդր Մյասնիկյանի արձան, որտեղ էլ 8 տարի առաջ տեղի ունեցավ բախում ոստիկանների ու ցուցարարների միջեւ, արդյունքում զոհվեց ՀՀ 10 քաղաքացի:

Նշենք, որ ՀԱԿ առաջնորդ, ՀՀ առաջին նախագահ Լեւոն Տեր-Պետրոսյանը ներկա չէ: Երթի մեկնարկից առաջ ՀԱԿ պատգամավոր Արամ Մանուկյանը հայտնեց, որ պայմանավորվել են, որ հանրահավաք չի լինելու, կլինի միայն հավաք-երթ: Ապա հրապարակում ընթերցվեց հայտարարության տեքստը, որ չնայած անցել է 8 տարի բայց որեւէ մեկը պատասխանատվություն չի կրել կատարվածի համար: Հայտարարության տեքստում ասվում է նաեւ մարտի 1-ը պետական հիշատակի օրերի մեջ ներառելու անհրաժեշտության մասին: