Փաշինյանը Ջիլիզա գյուղը հանձնում է Վրաստանի՞ն․ վրացական ԶԼՄ-ներ

Vector News-ը գրում է․ «Ըստ վրացական մի շարք ԶԼՄ-ների՝ Հայաստանը դիտարկում է սահմանազատման գործընթացի շրջանակում Վրաստանին սահմանամերձ մեկ գյուղ փոխանցելու հնարավորությունը։ Այս տեղեկությունները սկսեցին տարածվել այն բանից հետո, երբ Նիկոլ Փաշինյան հայտարարեց, որ կողմերը համաձայնության են հասել պետական սահմանի սահմանազատման գործընթացը ավարտելու վերաբերյալ։

Դեռևս 2024 թվականի հունվարին, Թբիլիսի կատարած այցի ընթացքում, Փաշինյանը նշել էր, որ կողմերը պայմանավորվել են արագացնել այս գործընթացը։ Արդեն մարտին ԶԼՄ-ներում տեղեկություններ հայտնվեցին, որ սահմանազատման շրջանակում Հայաստանը կարող է Վրաստանին փոխանցել Ջիլիզա գյուղը, որը գտնվում է երկու երկրների սահմանին՝ Լոռու մարզի Ալավերդու շրջանում»։