ՍարիԳը մնացել է ԹոռնիԳի հույսին կամ ԹոռնիԳը՝ ՍարիԳի թիկունքին

Yerkir.am-ը պարզել է, որ երեկ Գյումրիում քաղաքապետի ՔՊ-ական թեկնածու Սարիկ Մինասյանի նախընտրական քարոզարշավին է մասնակցել հասարակական-քաղաքական գործիչ Ավետիք Չալաբյանի գործով հանրահայտ դարձած, իրեն ագրարային համալսարանի ուսխորհրդի նախագահ հռչակած Թոռնիկը: 

Թոռնիկի մասնակցությունն էական չէր լինի Սարիկի քարոզարշավին, եթե չլինենին մի քանի հարցեր: 

Նախ, Թոռնիկն Արարատի մարզից է, և անհասկանալի է  նրա մասնակցությունը Գյումրու ավագանու ընտրական գործընթացներին:

Եվ երկրորդ, Թոռնիկը  ժամանակին իրեն պատառոտում էր, որ թույլ չի տա ուսանողների մասնակցությունը քաղաքական պրոցեսներին:

Ըստ այդմ՝ մի քանի հռետորական հարց Թոռնիկին.

1. ՔՊ-ի հանդեպ իր սերը առաջացել է հիմա՞, թե՞ Ավետիք Չալաբյանի ձերբակալությունից առաջ, 

2. արդյո՞ք Սարիկի  քարոզարշավին մասնակցել է ագրարային համալսարանի 2000 ուսանող (թիվը պատահական չէ), 

3. արդյո՞ք անվճար է  մասնակցել Սարիկի քարոզարշավին:

Վ. Սարգսյան