Քանի տարեկան է Աբովյանի անվան դպրոցն ըստ ագրարային համալսարանի

Ագրարային համալսարանն երեկ նյութ է տարածել այն մասին, որ ընդունել են Երևանի Խ. Աբովյանի անվան թիվ 2 հիմնական դպրոցի 6-րդ դասարանի աշակերտներին:

Yerkir.am-ը զարմանալիորեն արձանագրեց մի փաստ: Տարածած նյութում համալսարանը նշում է, որ ընդունել է գրեթե 200 տարվա դպրոցի սաներին: Նյութի մեկ այլ հատվածում նշում է, որ դպրոցը հիմնադրվել է 1932թ.: Թերևս 6-րդ դասարանցիների բախտը բերել է այն առումով, որ ագրարային համալսարանում իրենց չեն փոխանցել մաթեմատիկական գիտելիքներ: Ի դեպ, անցած տարի մամուլում եղավ հրապարակում, որ համալսարանի ռեկտորի պարտականությունները կատարող Հրաչա Զաքոյանը իր սեպտեմբերմեկյան ուղերձում ներկայացրել էր թվական տվյալներ՝ սխալ հաշվարկելով տոկոսը: Փաստորեն ագրարայինում տարրական հանրահաշվի հետ իրոք խնդիրներ կան: