կարևոր
5269 դիտում, 2 ամիս առաջ - 2022-12-01 13:31
Հասարակություն

4 տարիների ընթացքում 17 անգամ նվազել է Ագրարային համալսարանի առկա բակալավրիատի ընդունելությունը

4 տարիների ընթացքում  17 անգամ  նվազել է Ագրարային համալսարանի առկա բակալավրիատի ընդունելությունը

Օրեր առաջ դիմել էինք ՀՀ ԿԳՄՍ նախարարություն Հայաստանի ազգային ագրարային համալսարանի մի քանի տարիների ընդունելության արդյունքերի մասին տեղեկատվություն ստանալու նպատակով: ԿԳՄՍՆ հասկանալի պատճառով մեզ տրամադրեց միայն այս տարվա տեղեկատվությունը: Սակայն կատարեցինք փոքր վերլուծություն հասկանալու համար, թե ինչ է կատարվել վերջին 4 տարիներին ագրարային համալսարանի ընդունելության արդյունքերի հետ կապված:

Տեղեկատվություն

ՀԱԱՀ ընդունվածների վերաբերյալ

Համադրելով 3 տարիների տվյալները, կատարենք մի քանի արձանագրումներ՝

  1. Վերջին 4 տարիներին ագրարային ընդունվածների թիվը աննախադեպ չափով նվազել է: Այսպես, անցած տարվա համեմատ այս տարի ընդունվել են 292-ով, իսկ 2017-2018 ուստարվա համեմատությամբ 1254-ով պակաս դիմորդներ:
  2. Առկա բակալավրիատի ընդունելությունը կրճատվել է 672-ով կամ  ավելի քան 17 անգամ:
  3. Հեռակա բակալավրի ընդունելությունը կրճատվել է 530-ով կամ 3,5 անգամ: Նույն պատկերն է Վանաձորի և Սիսիանի մասնաճյուղերում:
  4. 2017-2018 ուստարվա համեմատությամբ 1,7 անգամ կրճատվել է մագիստրատուրա ընդունվողների թիվը:
  5. Քոլեջներ ընդունվողների տեսակարար կշիռը ընդունվածների ընդհանուր թվաքանակի մեջ 2017-2018 ուստարում կազմում է 12 տոկոս, իսկ այս տարի ՝ 39 տոկոս: Այս ցուցանիշը հատկապես անհասկանալի է, քանի որ ագրարային համալսարանը առաջին հերթին բարձրագույն կրթության ոլորտում ծառայություններ մատուցող հաստատություն է:

Ագրարային համալսարանում իրավիճակը աննախադեպ մտահոգիչ է: