7 ծառայողական մեքենան, Փաշինյանի «ռեֆորմն» ու Ագրարայինի տխուր պատկերը

Նիկոլ Փաշինյանը վերջերս անձամբ ակտիվորեն լծվել է ծառայողական ավտոմեքենաների կրճատման գործին: Կառավարության վերջին որոշումներից մեկով կրճատվեցին ավտոմեքենաներ բազմաթիվ գերատեսչություններում:

Թե ինչ մեթոդով արվեց այս «բարեփոխումը», ինչ հաշվարկով, ինչպես գրչի մի հարվածով ու առանց գլխուղեղներին զոռ տալու տարան ու բոլոր նախարարությունների, պետական հաստատությունների ավտոմեքենաները լցրեցին պահեստներ, և դրանով   ինչպիսի ճգնաժամի առջև է կանգնել պետական համակարգը՝ այլ քննարկման հարց է: 

Փաշինյանական այս քաոսի մեջ բնական է, որ, ժողովրդական լեզվով ասված, պլստացել են բազմաթիվ ՊՈԱԿ-երի ու հիմնադրամների ծառայողական ավտոմեքենաները: 

Yerkir.am-ը սկսում է շարք, որտեղ կներկայացվեն նմանատիպ կազմակերպություններում առկա ծառայողական ավտոմեքենաները: 

Առաջին խումբ կազմակերպություններից կներկայացնեք ՀՀ բուհերի ավտոմեքենաները, որպեսզի ուսանողները տեսնեն, թե նաև որտեղ են ծախսվում իրենց կողմից վճարվող ուսման վարձավճարները: 

Նախորդիվ ներկայացրել էինք Երևանի պետական համալսարանում և Երևանի պետական բժշկական համալսարանում առկա ծառայողական ավտոմեքենաները. նշենք, որ ցանկում չենք ներկայացնելու բեռնատար ավտոմեքենաներն ու ավտոբուսները: 

Ահա Հայաստանի ազգային ագրարային համալսարանում առկա ծառայողական ավտոմեքենաները՝ հիշեցնելով, թե ինչպիսի տխուր պատկեր է տիրում բուհում դիմորդների սակավության, ուսանողների թվի կրճատման, շենքերի օտարման, ոչ արդյունավետ կառավարման և այլնի առումով: 

1. Toyota Land Cruiser, 194 AR 61, 2012 թ.
2. KIA SORENTO, 111 UU 41, 2012 թ.
3. CHEVROLET CAPTIVA, 077 QQ 07, 2014 թ.
4. GAZ 3102, 111 QQ 41 , 2007 թ.
5. VAZ 11183, 357 AL 61, 2008 թ.
6. VAZ 21214, 250 AL 61, 2002 թ.
7. VAZ 21214, 251 AL 61, 2003 թ.: