Ագրարային համալսարանում դասախոսական կազմի համալրումն իրականացվում է կոպտագույն խախտումներով

Ագրարային համալսարանն իր կայքում սեպտեմբերի 18-ին հայտարարել է մրցույթ «ՍՆՆԴԻ ԱՆՎՏԱՆԳՈՒԹՅԱՆ ԻՐԱՎՈՒՆՔ» և «ՍՆՆԴԱՄԹԵՐՔԻ ԻՐԱՎՈՒՆՔ» առարկաների դասախոսական կազմի համալրման նպատակով: Մրցույթը հայտարարվել է Պրոֆեսորադասախոսական կազմի ձևավորման կանոնակարգի կոպտագույն խախտումներով:

Այժմ ներկայացնենք հիմնական խախտումները:

1. Համալսարանի պրոֆեսորադասախոսկան կազմն ընգգրկում է հետևյալ տարակարգերը՝ պրոֆեսոր, դոցենտ, դասախոս, ասիստենտ: Սակայն վերոնշյալ հայտարարության մեջ նշված չէ, թե որ տարակարգի համար է հայտարարված մրցույթը:

2. Կանոնակարգով պաշտոնի հավակնորդին փաստաթղթերի ներկայացման համար տրամադրվում է 30 օր, իսկ հայտարարության մեջ նշված է 10 օր:

3. Կանոնակարգով մրցույթը հայտարարվում է պաշտոնի համար, իսկ համալսարանը հայտարարել է մրցույթ առարկայի համար:

4. Հայատարարության մեջ նշված հավակնորդի պարտականություններն ընդհանրապես չեն համապատասխանում կանոնակարգով սահմանված պահանջներին:

5. Հայտարարության մեջ նշված հավակնորդին ներկայացվող պահանջները ևս չեն համապատասխանում կանոնակարգով սահմանված դրույթներին:

6. Հայտարարության մեջ ամբողջովին խախտված է փաստաթղթերի ներկայացման կարգը: Առավել մանրամասն կարող եք ծանոթանալ մրցույթի հայտարարությանը և կանոնակարգին:

Հ.Գ. Yerkir.am-ին հայտնի դարձավ նաև, որ արդեն 5 տարի ագրարային համալսարանում կանոնակարգին համապատասխան ոչ մի մրցույթ չի անցկացվել, իսկ դասախոսները նշանակվում են 1 տարի ժամկետով, ռեկտորի հրամանով: