Ագրարային համալսարանում կարդո՞ւմ են արդյոք իրենց կանոնակարգերը

Հայաստանի ազգային ագրարային համալսարանը հունվարի 9-ին իր կայքում հրապարակել է հայտարարություն ագրարային ճարտարագիտության ֆակուլտետի դեկանի տեղակալի թափուր պաշտոնը զբաղեցնելու վերաբերյալ:

Թեկնածուներին ներկայացվող նվազագույն պահանջներն են՝

• տեխնիկական գիտությունների թեկնածուի գիտական աստիճան եւ դոցենտի գիտական կոչում,

• բուհում դասավանդելու եւ/կամ գիտահետազոտական աշխատանքի փորձ,

• հայերենի գերազանց իմացություն, անգլերենի լավ իմացությունը ցանկալի է,

• համակարգչային գրագիտություն,

• պատասխանատվության բարձր զգացում։

Սակայն ուսումնասիրելով նույն կայքի «Գործող կանոնակարգեր» բաժնում տեղադրված 2016թ. ընդունված «Ֆակուլտետի կանոնակարգ» փաստաթուղթը՝ ևս մեկ անգամ արձանագրեցինք անտեղյակության կամ անփութության ևս մեկ դրսևորում համալսարանում: Ըստ այդ կանոնակարգի 13-րդ կետի՝դեկանի տեղակալին (գիտ. թեկնածու, դոցենտ) պաշտոնի է նշանակում և պաշտոնից ազատում է համալսարանի ռեկտորը, պրոռեկտորի և դեկանի ներկայացմամբ: Ստացվում, որ գործընթացը կարգավորող փաստաթղթում հավակնորդին ներկայացվում են այլ պահանջներ, իսկ հրապարակված հայտարարության մեջ այլ պահանջներ: Անհասկանալի է նաև ինչ մրցույթի մասին է խոսքը կամ ինչ ակտով է նախատեսված մրցույթի անցկացումը: Հույս հայտնենք, որ այսուհետ գոնե համալսարանի ղեկավարությունը և պատասխանատուները նման գործընթացներ կազմակերպելիս կառաջնորդվեն իրենց իսկ կողմից ընդունված փաստաթղթերով: Հ.Գ. Ի դեպ դեկանի տեղակալի հավակնորդի համար պարտադիր չէ դոցենտի կոչման պահանջը: Փոփոխությունը կատարվել է 2019թ. օգոստոսի 29-ին (արձանագրություն թիվ 1): Որոշումն առկա է համալսարանի կայքում: Կարդացեք: