ՏԵՍԱՆՅՈՒԹ․ Գեբելսյան հայտնի սկզբունքի հետ գործ ունենք, երբ որքան մեծ է լինում սուտը, այնքան հեշտ է դրան հավատալ․ Տոնոյանը՝ Փաշինյանի ռազմավարության մասին

Վարչապետի բարի ցանկությունները դրական լիցքեր են հաղորդում, բայց ես վաղուց  դադարել եմ հավատալ բաժակաճառերի մակարդակով ենթադրություններին. ըստ Yerkir.am-ի՝ ասաց ԱԺ ԲՀԿ խմբակցության պատգամավոր Իվետա Տոնոյանը՝ ԱԺ ճեպազրույցների ընթացքում՝ անդրադառնալով Նիկոլ Փաշինյանի հրապարակած՝ մինչև 2050 թ. ռազմավարությանը, ըստ որի՝ բնակչությունը 5 միլիոնի պետք է հասնի, և ՀՆԱ-ն ավելանա։

«Ընդամենը իշխանություններին խորհուրդ կտայի, որ շուրջ 5 տասնամյակ ընդգրկումով պլաններ ներկայացնելուց առաջ ոչ վաղ անցյալի հեղափոխության ժամանակահատվածում տրված խոստումները կյանքի կոչեին։ Այս դեպքում թերևս գործ ունենք գեբելսյան հայտնի սկզբունքի հետ, երբ որքան մեծ է լինում սուտը, այնքան հեշտ է դրան հավատալ»,- ասաց նա։

Պատգամավորի համոզմամբ՝ այն վիճակը, որն այսօր ստեղծված է մեր երկրում, բավարար հիմքեր չի տալիս լավատեսությամբ լցվելու այդ ցանկությունների նկատմամբ։

Մանրամասն՝ տեսանյութում: