կարևոր
2713 դիտում, 1 ամիս առաջ - 2024-04-22 12:02
Քաղաքական

Հայ եղե՛ք․ հայավարի մտածե՛ք․ քաղաքացիները փորձում են ընդհատել Ոսկեպարում ականազերծման աշխատանքները

ՀՅԴ Տավուշի Մարզային կոմիտեի ներկայացուցիչ, ԱԺ «Հայաստան» խմբակցության պատգամավոր Գառնիկ Դանիելյանը տեղեկացնում է, որ Կիրանցից տեղափոխվել են Ոսկեպար՝ հասկանալու ինչ է կատարվում։ Ընդդիմադիր պատգամավորը ստացել է տեղեկություններ, որ այնտեղ ականազերծման աշխատանքներ են իրականացվում։ 

Քաղաքացիները կոչ են անում զինվորներին չհանձնվել, այդ ապօրինի քայլին չգնալ։ «Հայ եղե՛ք․ հայավարի մտածե՛ք» ,-ասում են քաղաքացիները՝ շարունակելով կանգնած մնալ այն կետերում, որոնք ականապատված են։ Ինչպես կադրերից է պարզվում՝ քաղաքացիները կրակոցների ձայներ են լսել։

Հիշեցնենք՝ 2024 թ. ապրիլի 19-ին տեղի է ունեցել ՀՀ և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի ութերորդ հանդիպումը՝ ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի նախագահությամբ:

Հանդիպման արդյունքում՝ սահմանազատման քողի տակ կողմերը պայմանավորվել են Ադրբեջանին հանձնել Տավուշի մարզի 4 գյուղերի տարածքները, և միակողմանի հանձնման գործընթացը լինելու է շարունակական:

Այդ ամենի արդյունքում՝ կազմաքանդվում է ողջ պաշտպանական-անվտանգության համակարգը Տավուշի մարզում, թշնամին ավելի հարմար է դիրքավորվում բնակավայրերի մոտ / մեջ՝ ստանալով ավելի ցավոտ խոցելու միջոցով նոր վերջնագրեր ներկայացնելու պատմական հնարավորություններ:

Մանրամասն՝ տեսանյութում