02 05 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
Իսրայելի արտգործնախարար Իսրայել Կացը հայտարարել է, որ Բրազիլիայի նախագահ Լուիս Ինասիո Լուլա դա Սիլվան երկրում պերսոնա նոն գրատա է հայտարարվել։ Վերջինս համեմատել է Գազայի հատվածում տեղի ունեցած մարտերը Հոլոքոստի հետ։ Այս առնչությամբ Բրազիլիայի դեսպանը նախօրեին կանչվել է Իսրայելի ԱԳՆ։
«Առավոտյան ես կանչեցի Իսրայելում Բրազիլիայի դեսպանին Յադ Վաշեմ (Հոլոքոստի հիշատակի կենտրոն)՝ այն վայր, որն ամենից շատն է վկայում, թե ինչ են արել նացիստներն ու Հիտլերը հրեաների, այդ թվում՝ իմ ընտանիքի անդամների հետ: Մենք չենք ների ու չենք մոռանա։ Ես իմ և Իսրայելի քաղաքացիների անունից նախագահ Լուլային փոխանցեցի, որ նա Իսրայելում պերսոնա նոն գրատա է հայտարարվել»,- գրել է Իսրայել Կացը X սոցիալական ցանցում:
Նա հավելել է, որ Բրազիլիայի նախագահը հայտարարված է պերսոնա նոն գրատա, քանի դեռ «ներողություն չի խնդրել և հետ չի վերցրել իր խոսքերը»։ Կացի խոսքով, Գազայի հատվածում իսրայելական ռազմական գործողությունների և Հիտլերի գործողությունների միջև զուգահեռներ տանելը լուրջ հակասեմական հարձակում է, որը պղծում է Հոլոքոստի զոհերի հիշատակը։