Ճապոնիայի հյուպատոսին Ռուսաստանում կասկածում են լրտեսության մեջ. նրան հայտարարել են «պերսոնա նոն գրատա»

ՌԴ անվտանգության դաշնային ծառայությունը հայտարարել է  Վլադիվոստոկում Ճապոնիայի հյուպատոսին ձերբակալելու մասին՝ լրտեսության կասկածանքով։  Նրան իրավապահները  բռնել են հենց տեղում՝ գումարի դիմաց Պրիմորիեի իրավիճակի վրա պատժամիջոցների ազդեցության մասին տեղեկություններ ստանալիս։

Հյուպատոսը  հայտարարվել է անցանկալի անձ՝ կապված դիվանագիտության հետ անհամատեղելի գործունեություն ծավալելու հետ։  Ճապոնական կողմին դիվանագիտական խողովակներով բողոք է հայտարարվել։ Այդ մասին հայտնում են ռուսական լրատվամիջոցները՝ հղում անելով ԱԴԾ-ին, որը տարածել է թե նրա հարցաքննության տեսագրությունը, թե լրտեսության դրվագը, երբ սրճարանում գումար դիմաց տեղի է ունեցել ինֆորմացիայի տրամադրումը։

Ճապոնացին տեսագրության մեջ  ընդունել է իր մեղքը: