կարևոր
3469 դիտում, 1 տարի առաջ - 2023-01-16 22:48
Աշխարհ

Ֆրանսիան եւ Ավստրիան ընդգծել են Ուկրաինային օգնության ավելացման անհրաժեշտությունը

Ֆրանսիան եւ Ավստրիան ընդգծել են Ուկրաինային օգնության ավելացման անհրաժեշտությունը

Ֆրանսիայի և Ավստրիայի ԱԳ նախարարներ Կատրին Կոլոննան և Ալեքսանդր Շալենբերգը երկուշաբթի կայացած բանակցությունների ընթացքում ընդգծել են բոլոր ոլորտներում Ուկրաինային եվրոպական օգնության ավելացման անհրաժեշտությունը, ասվում է Ֆրանսիայի արտաքին քաղաքական գերատեսչության հաղորդագրության մեջ:

Հաղորդվում է, որ Կոլոնան Փարիզում ընդունել է ավստրիացի գործընկերոջը։

«Նախարարները մտքեր փոխանակեցին վերջին զարգացումների շուրջ․․․ Ուկրաինայում և ընդգծեցին բոլոր ոլորտներում այդ երկրին եվրոպական օգնության ավելացման անհրաժեշտությունը», - ասվում է Ֆրանսիայի ԱԳՆ հաղորդագրության մեջ։

Կոլոննան և Շելենբերգը նաև քննարկել են «Եվրոպայի ռազմավարական ինքնավարության ամրապնդման անհրաժեշտությունը, հատկապես արդյունաբերական, առևտրային և էներգետիկ ոլորտներում»:

Ֆրանսիայի եւ Ավստրիայի ԱԳ նախարարներն անդրադարձել են նաեւ Իրանում տիրող իրավիճակին. դիվանագետները համաձայնել են պահպանել եւ ուժեղացնել ճնշումը իրանցի պաշտոնյաների վրա՝ կապված այդ արաբական երկրում բողոքի ցույցերի խստագույն ճնշման հետ: