Տարեվերջին, երբ դպրոցում բազում հարցեր կան, դրսից բերել մեկին՝ նշանակել են տնօրեն․ Չեխովի ծնողխորհրդի նախագահ

Առավոտյան տեղեկացանք, որ Դիանա Մինասյանին տնօրենի ԺՊ նշանակելու որոշում է կայացվել քաղաքապետարանի կողմից։ Ծնողները ինքնաբուխ որոշեցին հավաքվել դպրոցում՝ արտահայտելու իրենց բողոքն այդ նշանակման դեմ․ Չեխովի դպրոցում լրագրողների հետ զրույցում ասաց Չեխովի ծնողական խորհրդ նախագահ Աննա Աբրահամյանը։

«Այնքան հեշտ է միանգամից քանդել  տարիներով ստեղծածը։ Ունենք մեր դպրոցի ներսից թեկնածու, որը շատ լավ կատարում է իր պարտականությունները, որը կապված է դպրոցի ներքին կարգուկանոնի հետ։ Տարեվերջին, երբ շատ հարցեր կան, դրսից մեկին բերել, նշանակելը չենք հասկանում»,- նշեց Աբրահամյանը։

Նրա խոսքով՝ որպես բողոքի դրսևորում, ծնողը կա՛մ կարող է չուղարկել իր երեխային այդ դպրոց, կա՛մ դպրոցը փոխել, սակայն  բողոքի արտահայտման այլ եղանակներ չի տեսնում։