Համազգային հայ կրթական և մշակութային միությունը գրքեր է նվիրել ԱրՊՀ գրադարանին

ԱրՊՀ և Համազգային հայ կրթական մշակութային միության հետ համագործակցության շրջանակում միության Արցախի գրասենյակի կողմից գիրք նվիրելու օրվան ընդառաջ այսօր գրքերի մի խմբաքանակ է նվիրաբերվել Արցախի պետական համալսարանի գիտական գրադարանին։ Համազգայինի կողմից հրատարակված գրքերը, որոնք հիմնականում հայագիտական, գեղարվեստական, գրականագիտական, դասական և ժամանակակից գրականություն են, գրադարանին է հանձնել Համազգային հայ կրթական և մշակութային միության Արցախի գրասենյակի պատասխանատու Հերմինե Ավագյանը։ Նրա խոսքով՝ ԱրՊՀ-ի հետ համագործակցությունը կրթամշակութային տարբեր ծրագրերի շրջանակում շարունակական է լինելու։