ՏԵՍԱՆՅՈՒԹ․ Հայաստանի և Իրանի 3 հազարամյա միջպետական հարաբերությունների հոբելյանն է․ Աշոտ Մելքոնյան

Խոսում ենք հայ-իրանական հարաբերությունների վերջին 3 տասնամյակի մասին, որպես դիվանագիտական հարաբերությունների հաստատման 30-ամյա հոբելյանի մասին, բայց մենք վստահաբար կարող ենք ասել վաղնջական ժամանակներից հայ-իրանական միջպետական հարաբերությունների մասին, որ կարելի է ասել, որ այն ևս հոբելյանական է, որովհետև առնվազն 3 հազարամյա միջպետական հարաբերությունների պատմության հոբելյանը ևս լրանում է․ ըստ Yerkir.am-ի այս մասին ասաց ԳԱԱ պատմության ինստիտուտի տնօրեն Աշոտ Մելքոնյանը ՀՀ և ԻԻՀ միջև դիվանագիտական հարաբերությունների հաստատման 30-ամյակի առիթով ԳԱԱ-ում կազմակերպված «Հայաստան-Իրան․ պատմական անցյալը և ներկան» միջազգային գիտաժողովի ընթացքում։

Նա նշեց, որ, ի տարբերություն մեր հարևան աշխարհակալ այլ տերությունների, Իրանը ժամանակ առ ժամանակ Հայոց պետականության նկատմամբ ընդգծված հարգալից վերաբերմունք է ունեցել նաև։

«1724 թ-ին, օրինակ, Սյունիքում Դավիթ Բեկի իշխանությունը ճանաչվեց պարսից շահի կողմից և ընդհանուր հայ-իրանական հակաթուրքական ճակատ ստեղծվեց։ Այդ ավանդույթը շարունակվեց Նադիր շահի ժամանակ, երբ 1736 թ-ին Նադիր շահը ստեղծեց Խամսայի մելիքությունները Արցախում։ Եվ շատ հետաքրքրական է, որ Սյունիքի, Արցախի, Արարատյան դաշտի այդ մելիքությունների անունը՝ «մլեք», ևս վկայում է, որ պարսից արքունիքի կողմից ճանաչվում է հայկական ինքնիշխան կազմավորումները որպես թագավորություններ»,-ասաց Աշոտ Մելքոնյանը։  

Մանրամասն՝ տեսանյութում․