ԱՄՆ-ը հնարավոր է արգելի սմարթֆոնների ներմուծումը Ռուսաստան

Միացյալ Նահանգների իշխանությունները դիտարկում են Ռուսաստանի դեմ «կոշտ արտահանման հսկողություն» սահմանելու հնարավորությունը՝ Ուկրաինա հնարավոր ներխուժման դեպքում։ Այս մասին հայտնում է Reuters գործակալությունը՝ հղում անելով ԱՄՆ նախագահ Ջո Բայդենի վարչակազմի աղբյուրին։

Մասնավորապես՝ ուսումնասիրվում է սմարթֆոնների, ավիա- և ավտոպահեստամասերի ներմուծումը սահմանափակելու հնարավորությունը։

Գործակալության տվյալներով՝ միջոցառումների այս փաթեթը, ի լրումն տնտեսական պատժամիջոցների, քննարկվել է դեկտեմբերի 21-ին ԱՄՆ բարձրաստիճան պաշտոնյաների հանդիպմանը։

Ինչպես նշում է գործակալությունը, վերոնշյալ սահմանափակումները կարող են արգելափակել Ռուսաստանի մուտքը զանգվածային սպառողների և արդյունաբերության համար նախատեսված տեխնոլոգիաների լայն շրջանակ։