Իսրայելի ՊՆ-ն հնարավոր է արգելի անօդաչուների մատակարարումն Ադրբեջանին. Newsru.co.il

Aeronautics Defense Systems զենք արտադրող ընկերությունը հրապարակել է կոմյունիկե, որի համաձայն` Իսրայելի պաշտպանության նախարարությունն արգելել է ընկերությանը  20 միլիոն դոլարի անօդաչու թռչող սարքեր մատակարարել իր գնորդներից մեկին. հայտնում է newsru.co.il-ը:

Ընկերությունը չի նշում, թե որ երկրին է արգելվել Orbitier K1 ԱԹՍ-ների մատակարարումը, սակայն հայտնի է, որ այդ երկիրը Moody`s-ի ցուցակում ունի Ba վարկանիշը և նրա տարածքում գտնվում է  այդ ընկերության լիցենզիայով պահեստամասեր արտադրող գործարանը:

Պարբերականի տեղեկություններով `Aeronautics Defense Systems-ն ունի նման երկու հաճախորդ` Սերբիան և Ադրբեջանը, որից միայն Ադրբեջանում ունի պահեստամասեր արտադրող գործարան: Ադրբեջանի անունը կոմյունիկեում, սակայն, չի նշվում:

Պարբերականը փորձել է ստանալ Իսրայելի ՊՆ-ի մեկնաբանությունը, սակայն,  պատասխան  դեռ չկա: