Սիոնիստական ​​ռեժիմը իսլամական աշխարհի և արաբական երկրների թիվ մեկ թշնամին է. Իրան

Իրանի արտգործնախարարության խոսնակ Սայիդ Խաթիբզադեն, մեկնաբանելով երկուշաբթի երեկոյան Իրանի վարչապետ Նաֆթալի Բենեթի այցը ԱՄԷ, հայտարարել է, որ «անկայունության, լարվածության գործոն և արաբական ու մուսուլմանական երկրներում պատերազմների պատճառ հանդիսացող անօրինական ռեժիմի վարչապետի ընդունումը կհիշվի պաղեստինյան, տարածաշրջանի ժողովուրդների կողմից»:

Խաթիբզադեն, անդրադառնալով Ալ Քուդսի (Երուսաղեմ)` որպես աշխարհի մուսուլմանների առաջին կիբլայի ազատագրման հավերժական և անփոփոխ իդեալին, խստորեն նախազգուշացրել է ցանկացած գործողությունից, որը կարող է հանգեցնել Արևմտյան Ասիայի կարևոր տարածաշրջանում այս կեղծ ռեժիմի կործանարար և սադրիչ ներկայության ամրագրմանը, նաև նշել է, որ «նման գործողությունները վնասում են տարածաշրջանի անվտանգությանը և իրականացվում են իսլամական ումմայի, տարածաշրջանի ժողովուրդների և արաբական երկրների շահերի դեմ»։

«Սիոնիստական ռեժիմը իսլամական աշխարհի և արաբական պետությունների թիվ մեկ թշնամին է, և նորմալացմանն ուղղված ոչ մի քայլ չի կարող հետին պլան մղել Պաղեստինի վեհ իդեալը»,- եզրափակել է Խաթիբզադեն։