Պայքարը Իսրայելի սիոնիստական ռեժիմի դեմ շարունակվում է. Իրանի խորհրդարանի խոսնակ

Իրանի խորհրդարանի խոսնակ Մոհամմադ Բաքերի Քալիբաֆը հայտարարել է, որ նրանք, ովքեր մտադիր են միանալ ԱՄԷ-ին Իսրայելի ոչ լեգիտիմ սիոնիստական ռեժիմի հետ կապերը կարգավորելու համար, պետք է իմանան, որ ռեժիմի դեմ պայքարը երբեք չի ավարտվի: Այս մասին հայտնում է իրանական IRNA գործակալությունը:

Խոսելով խորհրդարանի բաց նիստին՝ Քալիբաֆը նշեց, որ մարդկության թշնամիները և ումմայի (մուսուլմանական համայնք) դավաճանները բացահայտել են իրենց իսկական դեմքը։

Նա նաև հայտարարել է, որ նրանք, ովքեր պաշտպանում են իսրայելական ռեժիմը, համարվում են իսլամական ումմայի դավաճաններ, մարդկության դեմ կատարված հանցագործությունների հանցակիցներ և մեղավորներ նրանց անցյալի, ներկայի և ապագայի գործերում: