Լոնդոնի հեղինակավոր թանգարանը զայրացրել է ադրբեջանցիներին հայ արքայադստեր խճանկարի պատճառով

Լոնդոնի «Վիկտորյա և Ալբերտ թանգարանը» Instagram-ի իր էջում տեղադրել է խճանկարի լուսանկար, որում պատկերված է մի հատված իրանցի մեծ բանաստեղծ Նիզամի «Խոսրով և Շիրին» պոեմից։ Լուսանկարի նկարագրության մեջ թանգարանի էջը գրում է, որ խճանկարներում պատկերված են Սասանյան միապետ Խոսրովն ու նրա սիրելի հայուհի արքայադուստր Շիրինը։

Այս հրապարակումը, անշուշտ, զայրացրել է ադրբեջանցի օգտատերերին, որոնք անմիջապես  ագրեսիվ և բացասական մեկնաբանություններ են թողել։

Ադրբեջանցիներին նախ զայրացրել է այն փաստը, որ Նիզամիին համարում են «ադրբեջանցի բանաստեղծ». (12-13-րդ դարերում «ադրբեջանցիներ» չեն եղել (1930-ականներից հետո միայն)): Դրանից բացի՝ նրանց դուր չի եկել արքայադստերը հայ անվանելը, որովհետև, ըստ պոեմի, Շիրինը քրիստոնեական Առանի ղեկավարի զարմուհին էր, իսկ միջնադարյան օտար գրողները, Արցախը հաճախ անվանում էին Առան: