Իրանում էթնիկ հողի վրա խմորումները, Ադրբեջանի սպառնալիքը և տնտեսական փլուզման վտանգը. Ռոբերտ Քոչարյան

«Հայաստան» դաշինքի առաջնորդ Ռոբերտ Քոչարյանը «Մեծ քաղաքականություն» փոդքասթում համակողմանիորեն վերլուծել է Իրանի շուրջ ստեղծված ճգնաժամից բխող սպառնալիքները և խիստ քննադատել Նիկոլ Փաշինյանի կառավարությանը։ Նա նշել է, որ կարկանդակ ուտող իշխանությունների արձագանքը ցույց է տալիս իրադարձությունների մասշտաբների լիակատար թերագնահատումը։

Առաջին և ամենալուրջ սպառնալիքը, ըստ Քոչարյանի, Իրանում էթնիկական պայթյունի հավանականությունն է, որին դրդում են ԱՄՆ-ն ու Իսրայելը։

«17-20 միլիոն ադրբեջանցիների էթնիկ հողի վրա խմորումները գոյաբանական սպառնալիք են Հայաստանի համար», - ընդգծել է նա։

Այս սպառնալիքն ավելի է խորանում Ադրբեջանի հնարավոր ռազմական արկածախնդրության պատճառով, ինչը կնշանակի, որ Հայաստանը, լինելով տարածաշրջանային կոմունիկացիաների հանգույցում, կհայտնվի պատերազմի էպիկենտրոնում։

Երկրորդ գործոնը, որն ավելացնում է ռազմական ռիսկերը, Երևանում ԱՄՆ դեսպանատան ներկայությունն է: Քոչարյանը հիշեցրել է «Թրամփի միջանցքի» մասին՝ նշելով, որ նմանատիպ վտանգն այսօր ևս առկա է. խոշորագույն դեսպանատներից մեկը փաստացի կարող է ծառայել որպես Իրանի դեմ հետախուզական գործողությունների հենակետ, ինչը Հայաստանը դարձնում է պոտենցիալ թիրախ Իրանի պատասխան գործողությունների համար: