Ադրբեջանցիներին զայրացրել են Զատուլինի հայտարարությունները

Ադրբեջանի «Էնի Ադրբեջան» թերթի գլխավոր խմբագիր, պատգամավոր Հիքմեթ Բաբաօղլուին զայրացրել է  այն փաստը, որ ՌԴ Պետդումայի ԱՊՀ  երկրների հարցերով կոմիտեի նախագահի տեղակալ Կոնստանտին Զատուլինը մեկնաբանել է Ադրբեջանի նախագահ Իլհամ Ալիևի` «ադրբեջանական պատմական» հողերի մասին հայտարարությունները` դրանք «անլուրջ» որակելով:

Ըստ АПА-ի`պատգամավորը խիստ քննադատության է արժանացրել Զատուլինին` նրան անգամ «թերուս քաղաքական գործիչ» անվանելով, ով իբր տեղյակ չէ պատմությունից: Ըստ նրա` Զատուլինը իրավունք չունի որևէ մեկի կարծիքը «անլուրջ» որակելու, քանի որ հենց ինքն է անլուրջ:

«Լուրջ քաղաքական գործիչը պետք է նկատի ունենա իր երկրի, հարևան և գործընկեր երկրների շահերը»,- նշել է պատգամավորը` հավելելով, որ Զատուլինին իբր քննադատում են ոչ միայն ԱՊՀ պաշտոնական կառույցները, այլ նաև ռուսական համայնքը: