Ագրարային համալսարանի 3 գիտական կենտրոններն ավելի քան 7 տարի տնօրեն չունեն

Yerkir.am-ը տեղեկացրել էր, որ Հայաստանի ազգային ագրարային համալսարանում բազմաթիվ ընտրովի և նշանակովի պաշտոններ զբաղեցնում են պաշտոնակատարները: 

Որոշ ղեկավարների պարագայում մրցույթներ հայտարարված չեն ավելի քան 7 տարի: 

Ագրարային համալսարանում գործում է երեք գիտական կենտրոն:

«Ագրոկենսատեխնոլոգիայի գիտական կենտրոն» մասնաճյուղը տնօրեն չունի 2019թ. հունվարից: Այժմ տնօրենի պաշտոնակատարն է Անդրեաս Մելիքյանը:

Նույն վիճակում է «Հ.Պետրոսյանի անվան հողագիտության, մելիորացիայի և ագրոքիմիայի գիտական կենտրոն» մասնաճյուղ: 
Գիտական կենտրոնի տնօրենի պաշտոնակատարը 2019թ. հունվարից Գայանե Գասպարյանն է:

2019թ. հունվարից տնօրեն չունի նաև երրորդ «Ոսկեհատի խաղողագինեգործության գիտական կենտրոն» մասնաճյուղը: Ավելի քան 7 տարի պաշտոնակատարը Գարուշ Սամվելյանն է:

Սա այն պարագայում, երբ այս գիտական կենտրոնների կանոնադրությունների համաձայն տնօրենն ընտրվում է 5 տարի ժամկետով:

Ահա այսպիսի փայլուն կառավարում են իրականացնում Ժաննա Անդրեասյանն ու Հրաչյա Զաքոյանը: