Կատարը նախազգուշացրել է էներգետիկ ենթակառուցվածքների վրա հասցված հարվածների գլոբալ տնտեսական հետևանքների մասին

Կատարը նախազգուշացրել է, որ Մերձավոր Արևելքում պատերազմի ֆոնին տարածաշրջանի էներգետիկ ենթակառուցվածքների վրա հարձակումները տնտեսական հետևանքներ կունենան ամբողջ աշխարհի համար։

«Էներգետիկ օբյեկտների վրա հարձակումները, որոնք արդեն տեղի են ունեցել - ընդ որում՝ երկու կողմից էլ - վտանգավոր նախադեպ են ստեղծում... դա լուրջ հետևանքների կհանգեցնի ամբողջ աշխարհում», - հայտարարել է ԱԳՆ ներկայացուցիչ Մաջեդ ալ-Անսարին։

Նրա խոսքով՝ Իրանն ուժեղացրել է Կատարի ենթակառուցվածքների վրա իր հարվածները։

«Քաղաքացիական ենթակառուցվածքների գնդակոծությունները շարունակվում են... և մենք մերժում ենք այդ հարձակումների վերաբերյալ Իրանի ցանկացած արդարացում», - ընդգծել է ալ-Անսարին։