Ադրբեջանցիներին զայրացրել է Freedom House-ի զեկույցը ԼՂՀ-ի մասին

Հունվարի 23-ին Freedom House ոչ կառավարական կազմակերպությունը, որը զբաղվում է աշխարհում քաղաքական և քաղաքացիական ազատությունների ուսումնասիրությամբ, հրապարակել է տարեկան զեկույցը, որի համաձայն՝  Լեռնային Ղարաբաղի Հանրապետությունը, ինչպես և նախորդ տարի, ճանաչվել է «մասամբ ազատ» երկիր:

Ադրբեջանը բողոք է հայտնել  կազմակերպությանն  այդ և այլ հարցերի կապակցությամբ հայտնում է haqqin.az-ը:  Ի պատասխան` կազմակերպության փոխնախագահն ասել է. «Հարցն այն է, որ մենք չենք առանձնացնում ԼՂՀ-ն և չենք պատժում Ադրբեջանին: Մենք չունենք հայամետ և հակաադրբեջանական հայացքներ (նման կարծիքի է Ադրբեջանը): Մենք գնահատում ենք ԼՂՀ-ում տիրող իրավիճակը, քանի որ այն վիճելի տարածք է: Երկրի կարգավիճակը դեռևս որոշված չէ»: