Թշնամի երկրից ՀՀ է տեղափոխվում վերջին 3 օրվա ընթացքում ռուսական ցորենի 2-րդ խմբաքանակը

Թշնամի երկրից Հայաստան է տեղափոխվում վերջին 3 օրվա ընթացքում ռուսական ցորենի 2-րդ խմբաքանակը, հայտնում են ադրբեջանական ԶԼՄ-ները։

Այսօր Բիլաջարի երկաթուղային կայարանից մեկնում է 11 վագոնից բաղկացած բեռնատար գնացք, որը ռուսական հացահատիկը Վրաստանի տարածքով տարանցմամբ կհասցնի Հայաստան։

Փոխադրվող հացահատիկի ընդհանուր զանգվածը կազմում է 1023 տոննա։

Գնացքը Բեյուք-Քյասիկ երկաթուղային կայարանով կանցնի Վրաստանի տարածք, որտեղից կշարունակի ճանապարհը դեպի Հայաստան։

Հիշեցնենք, որ վերջին անգամ 7 վագոնից բաղկացած բեռնատար գնացքը, որը տեղափոխում էր 488 տոննա ռուսական հացահատիկ, Ադրբեջանի տարածքով Հայաստան էր մեկնել մարտի 9-ին։