Հունաստանն այլևս չի ընդունի փախստականներին, որոնք անցնում են Թուրքիայի տարածքից

Հունաստանն այլևս չի ընդունի Թուրքիայից եկող՝ Սիրիայից, Աֆղանստանից, Պակիստանից, Բանգլադեշից և Սոմալիից  փախստականների ապաստանի դիմումները: Այդ մասին հայտնում է թուրքական Hürriyet լրատվական գործակալությունը:

«Հունական օրենսդրության համաձայն՝ Թուրքիան անվտանգ երրորդ երկիր է փախստականների համար: Այս որոշումը վերաբերում է Սիրիայից, Աֆղանստանից, Պակիստանից, Բանգլադեշից և Սոմալիից ապաստան հայցողներին», - ասել է  Հունաստանի ԱԳՆ-ն:

Հայտարարության մեջ նշվում է, որ այս որոշումը կայացվել է՝ հաշվի առնելով բոլոր համապատասխան տեղեկությունները կենսապայմանների և Թուրքիայում առկա իրավիճակի վերաբերյալ․ Թուրքիան բոլոր պայմանները տրամադրել է նշված երկրներից ապաստան հայցողների միջազգային պաշտպանության դիմումները քննարկելու համար: