Հունաստանն արձագանքել է ԱՄՆ-ի կողմից Թուրքիայի դեմ պատժամիջոցների կիրառմանը

Հունաստանի արտգործնախարարությունը ողջունել է ԱՄՆ-ի կողմից Թուրքիայի դեմ ռուսական Ս-400 զենիթահրթիռային համակարգեր ձեռք բերելու համար պատժամիջոցների սահմանումը: Այս մասին ասվում է Հունաստանի ԱԳՆ հաղորդագրության մեջ:

«Հունաստանը ՆԱՏՕ-ի անդամ երկիր է, ուրախ է դիտարկել ԱՄՆ ֆինանսների նախարարության հայտարարությունը Թուրքիայի պաշտպանական արդյունաբերության քարտուղարության, նրա ղեկավարի և այլ ղեկավարների դեմ պատժամիջոցներ կիրառելու մասին՝ համաձայն «Պատժամիջոցների միջոցով հակահարված Ամերիկայի հակառակորդներին» (CAATSA) ծրագրի 231 բաժնի:

Միևնույն ժամանակ, Հունաստանի իշխանությունները կարծում են, որ Թուրքիայի կողմից ռուսական Ս-400-ի ձեռք բերումն ուղղված է ՆԱՏՕ-ի շահերի դեմ»,- ասվում է հաղորդագրության մեջ: