Կահիրեն և Փարիզը պայմանագիր են կնքել Եգիպտոսին 30 Rafale ինքնաթիռներ մատակարարելու մասին

Եգիպտոսը և Ֆրանսիան պայմանագիր են կնքել Արաբական Հանրապետություն 30 ֆրանսիական Rafale կործանիչների մատակարարման մասին: Այս մասին հայտնում է եգիպտական Al-Watan պորտալը՝ հղում կատարելով երկրի պաշտպանության նախարարությանը:

Ըստ լրատվամիջոցի՝ ֆրանսիական Dassault Aviation ընկերության արտադրած կործանիչները Եգիպտոս կհասցվեն առնվազն 10 տարի տրամադրվող վարկի պայմաններով:

Եգիպտոսը և Ֆրանսիան համաձայնագիր են կնքել Կահիրեի կողմից 2015 թվականին 24 Rafale կործանիչներ ձեռք բերելու մասին: Կործանիչի այս տեսակն առանձնանում է առաքելություններ կատարելու համար երկար տիրույթով, մանևրելու բարձր մակարդակով և էլեկտրոնային պատերազմի պայմաններում առաքելություններ կատարելու ունակությամբ:

Ավելի վաղ Disclose ֆրանսիական հրատարակությունը տեղեկացրել էր, որ, Եգիպտոսի նախագահ Աբդել Ֆաթթահ ալ Սիսիի նախաձեռնությամբ, ապրիլի 26-ին Կահիրեի ու Փարիզի միջև տարբեր զենքերի գնման պայմանագիր է կնքվել: Գնված զենքի արժեքը, ըստ Disclose-ի, կազմում է 3,95 միլիարդ եվրո:

Հավելենք նաև, որ նույն կործանիչներից էր գնել նաև հակաթուրքական բլոկի մեկ այլ երկիր՝ Հունաստանը։