Եգիպտոսի ԱԳՆ-ն հայտարարել է, որ Կահիրեն դեռ հնարավորություն չի տեսնում համագործակցելու Անկարայի հետ Լիբիայի հարցի շուրջ

Թուրքիան այն երկրների շարքում չէ, որոնց հետ Եգիպտոսն այժմ պատրաստ է համագործակցել լիբիական կարգավորման հարցում: Այս մասին ՏԱՍՍ-ին տված հարցազրույցում ասել է Եգիպտոսի արտաքին գործերի նախարար Սամեհ Շուքրին:

«Որոշ ուժեր խրախուսել են ծայրահեղականությունը, արմատական կազմավորումներին՝ Սիրիայից Լիբիա տեղափոխելով օտարերկրյա զինյալներին և ահաբեկիչներին: Դրանք բոլորը բարդացնող գործոններ են, դրանց պետք է դիմակայի միջազգային հանրությունը, - ասել է նա:- Այսպիսով՝ մենք կշարունակենք համագործակցել մեր ընկերների հետ, այն երկրների հետ, որոնց մոտեցումները մոտ են մեզ, և այս փուլում չեմ կարող ասել, որ Թուրքիան դրանց մեջ է»:

Ըստ Շուքրիի՝ Կահիրեն կարծում է, որ Լիբիային վերաբերող բոլոր հարցերը պետք է բարձրացվեն միջլիբիական երկխոսության ընթացքում. «Մենք համակարգում ենք մեր ընկերների հետ՝ լինի Ռուսաստանը, ԱՄՆ-ը, Արևմտյան Եվրոպան և, իհարկե, Լիբիայի հարցով՝ ՄԱԿ-ի գլխավոր քարտուղարի հատուկ բանագնացը։ Մենք ոչ մի արդարացում չենք գտնում տարածաշրջանում արտաքին միջամտությանը»: