Թուրքիայում գնահատել են Հունաստանի կողմից Rafale կործանիչների գնումը

Rafale կործանիչները, որոնք Հունաստանը մտադիր է գնել, գերազանցում են թուրքական F-16-ին: Այս մասին  ասել է Թուրքիայի ՌՕՈՒ նախկին օդաչու Բեյազիտ Քարաթաշը. հաղորդում է հունական Skai հեռուստաալիքը:

Քարաթաշը հայտարարել է, որ Rafale կործանիչները գերազանցում են F-16- ները, քանի որ չորրորդ սերնդի են, իսկ F-16-ները` երրորդ:

«Պարզ ասած՝ դրա ռադարն իր տիրույթում և հնարավորությունների շնորհիվ շահում է, նա իր տրամադրության տակ ունի նոր սերնդի զենք, իսկ առկա հրթիռները առավելություն կտան ինքնաթիռին»,- ասել է թուրք օդաչուն։

Հիշեցնենք, որ Հունաստանը մտադիր է 18 Rafale կործանիչ գնել Ֆրանսիայից, այդ թվում՝ առաջին վեցը` 2021-ի ամռանը: Հունաստանի և Թուրքիայի միջև հարաբերությունները սրվել են 2020 թ.-ին այն բանից հետո, երբ Թուրքիան հետազոտական նավ ուղարկեց Հունաստանի կղզիների մայրցամաքային շելֆ։