Եթե հայերն իրենց խելոք չպահեն, թուրքերը կգան ու կպարեն Սևանում, Երևանում ու Զանգեզուրում. թուրք գեներալ

Հայերը թող այնպես չանեն, որ Աղրը լեռան վրա (Արարատ լեռան թուրքերեն տարբերակը) բրինձ ուտելու ցանկության պարագայում, գանք ու պարենք Գյոյչում (Սևան), Զանգեզուրում և հին ադրբեջանական տարածք Իրևանում. ադրբեջանական metbuat.az կայքին տված հարցազրույցում բարբաջել է թուրք պաշտոնաթող գեներալ, Ադրբեջանում Թուրքիայի ռազմական կցորդ Յուջել Քարաուզը։

Թուրք գեներալին վրդովեցրել է, որ Հայաստանի զինանշանի վրա առկա է Արարատ լեռան պատկերը, նա դա անվանելէ ամոթալի քայլ։ «Եթե Հայաստանը չհրաժարվի Աղրը լեռան՝ իր երազանքից, ապա թուրքերն, ըստ անհրաժեշտության, կմտնեն Գյոյչե և Իրևան»,– ասել է Քարաուզը։

Թուրք գեներալին նաև դուր չի եկել ՀՀ նախագահ Արմեն Սարգսյանի՝ Վրաստանի նախագահի նստավայրի հուշամատյանում արված գրառումը, որի տակը Սարգսյանը նկարել էր Արարատ լեռը։