ԱԶԳ. Հայերն ու թուրքերը ոգեկոչեցին Ցեղասպանության զոհերի հիշատակը

Կիրակի Ֆրանսիայում ապրող հայերն ու թուրքերը մասնակցել են Փարիզում Կոմիտասի հուշարձանի մոտ տեղի կազմակերպված միջոցառմանը` ոգեկոչելով Հայոց ցեղասպանության զոհերի հիշատակը:

Փարիզից Ժան Էչիկյանի փոխանցմամբ` հիշատակի արարողությունը կրում էր Collectif Biz Myassine (Մեզ հետ միասին) խորագիրը:

Հավաքի պաշտոնական հայտարարությունը ստորագրել են գրող Դենիս Դոնիկիյանն ու Կանաչների կուսակցության անդամ Միչել Աթալայը: Կողմերն ընդգծել են իրենց մեծ ցանկությունը` հավերժացնել 2008-ին չորս թուրք մտավորականների նախաձեռնած ներման քարոզարշավն ու կամուրջներ կառուցել հայ եւ թուրք քաղաքացիական հասարակությունների միջեւ: