Մեր ամբողջ ռազմական արդյունաբերությունը Ադրբեջանի տրամադրության տակ է. Թուրքիայի ռազմաարդյունաբերության ղեկավար

Հայ-ադրբեջանական սահմանային լարման օրերին անմիջապես Թուրքիա էին մեկնել Ադրբեջանի Առանձին համազորային բանակի հրամանատար, գեներալ-գնդապետ Քերեմ Մուսթաֆաևը և երկրի ՊՆ փոխնախարար – ՌՕ ուժերի հրմանատար Ռամիզ Թահիրովը, որոնք բացի Թուրքիայի ՊՆ ղեկավար Հուլուսի Աքարի հետ հանդիպումից, հանդիպել են նաև Թուրքիայի նախագահականին կից Ռազմական արդյունաբերության բաժնի ղեկավար Իսմայիլ Դեմիրի հետ։

Հանդիպումից հետո Դեմիրն իր թվիթերյան էջում գրել է.

«Մեր ռազմական արդյունաբերությունը՝ ԱԹՍ-ներից մինչև սպառազինություն, հրթիռներ, էլեկտրոնային ռազմական համակարգեր, ամբողջ փորձը, տեխնոլոգիաները և հնարավորությունները մշտապես Ադրբեջանի տրամադրության տակ է», - գրում է թուրք գործիչը։