Լիբիայում թուրքական ավիաբազան հարձակման է ենթարկվել անհայտ կործանիչների կողմից. ԼԱՀԿ ՊՆ փոխնախարար

Լիբիայի հյուսիս-արևմուտքում գտնվող «Վատայիե» ավիաբազայի վրա հարձակվել են ժամանակակից ռազմական այնպիսի ինքնաթիռներ, որոնք չեն գտնվում Հալիֆա Հաֆթարի զինանոցում. նման հայտարարություն է արել Լիբիայի ազգային համաձայնության կառավարության ՊՆ փոխնախարար Սալահադդին Նեմրուշը։

Նեմրուշը Al-Ahrar հեռուստաալիքին տված հարցազրույցում ասել է, որ նման ինքնաթիռները երկրի արևելքը վերահսկող «ապօրինի» զինված խմբավորումների զինանոցում չկան, և դրանք կարող են օգտագործվել միայն օտարերկրյա պետությունների կողմից:

Նեմրուշը նշել է, որ այս ավիահարվածը ևս մեկ պատճառ է, որ պետք է ազատագրվի Սիրտ և Ալ-Ջուֆրա քաղաքը: «Երկրում վարձկանների թիվն աճել է: Ինքնաթիռները զինյալներով և զինամթերքներով գտնվում են Սիրտի մոտակայքում գտնվող Ալ-Քարաբաբիե ռազմակայանում», - ասել է փոխնախարարը:

Նեմրուշը նաև մեծ նշանակություն է տվել Թուրքիայի ազգային պաշտպանության նախարար Հուլուսի Աքարի՝ Տրիպոլի այցին՝ այս քայլը անվանելով Լիբիայի «օրինական իշխանություններին Թուրքիայի կառավարության աջակցության բաց ցուցիչ»:

Նա ասել է, որ Թուրքիան կիսում է մեր դիրքորոշումը Լիբիայի տարածքում լիակատար վերահսկողություն հաստատելու անհրաժեշտության վերաբերյալ:

«Վաթիյե» ավիաբազային օդային հարվածներով հասցվել են շաբաթ օրը՝ հուլիսի 4-ին:

Նշենք, որ Լիբիայի ԱՀԿ-ն ամենայն հավանականությամբ նկատի ունի, որ այդ «անհայտ ինքնաթիռները» պատկանում են ՌԴ ԶՈՒ-ին։