Ճապոնիան հրաժարվել է տեղակայել ԱՄՆ-ի հակահրթիռային պաշտպանության համակարգերը

Ճապոնիան հրաժարվել է ԱՄՆ-ի «Էգիս Աշոր» ցամաքային հակահրթիռային պաշտպանության համակարգերը տեղակայելու իր ծրագրից. հայտնում է Kyodo լրատվական գործակալությունը՝ վկայակոչելով Պաշտպանության նախարար Տարո Կոնոյին:

Ավելի վաղ նա հայտարարել էր Aegis Ashore-ից հրաժարվելու մտադրության մասին`դրանց արժեքի, տեղակայման ժամկետների և մի շարք տեխնիկական խնդիրների պատճառով:

Կառավարությունը որոշել էր 2017 թվականին Ճապոնիայում տեղակայել ամերիկյան երկու Aegis Ashore ցամաքային համակարգ՝ Հյուսիսային Կորեայի հրթիռների շարունակական գործարկման ֆոնին: Դրանք նախատեսվում էր տեղակայել հյուսիս-արևմուտքում գտնվող Ակիտա պրեֆեկտուրաներում և երկրի հարավ-արևմուտքում գտնվող Յամագուչիում: Դրանց գործողությունների շառավիղը կարող էր ծածկել ամբողջ Ճապոնիան: Յուրաքանչյուր կայանի արժեքը գնահատվել է 100 միլիարդ յեն (մոտ 890 միլիոն դոլար), իսկ շահագործումը նախատեսվում էր մինչև 2023 թվականը:

Ռուսաստանը բազմիցս հասկացրել է, որ Ճապոնիայի նման մտադրությունները չեն բարելավում իրավիճակը տարածաշրջանում ռազմավարական կայունության ոլորտում և չեն կարող հաշվի չառնվել Տոկիոյի հետ խաղաղ բանակցությունների վերաբերյալ բանակցությունների ժամանակ: